Мицкоски: Не можам да ветам чуда и лаги како Заев, но можам да ветам дека со сета енергија ќе работам за подобар живот

Сакам да ја видам Македонија со вистински европски вредности, со вистински реформирано судство, Македонија која ќе биде просперитетна, Македонија која ќе нуди можности за сите и тоа можам да го остварам. Имаме прецизна методологија како тоа да го направиме, истакна претседателот на ВМРО Христијан Мицкоски во вечерашното интервју на 1ТВ.

-Не можам вас да ви ветам дека режимот е виновен затоа што имаме загадено Скопје и дека само да се промени режимот и ќе дојде чист, свеж алпски воздух. Тоа е невозможно. Но, можам да ви ветам методологија која во период од Х години ќе го направи воздухот помалку загаден за 30 проценти. Не можам да ви ветам 500 километри автопати, затоа што не е возможно, но можам да ветам дека ќе направиме 500 километри патишта низ Македонија, ќе ги реконструираме и реновираме бидејќи имам методологија и знам како тоа да го направам со моите соработници, вели Мицкоски.

Претседателот на ВМРО-ДПМНЕ нагласи дека зборува за мерки кои ќе значат подобар живот на граѓаните.

-Реформирано судство, вистинска борба против криминалот, реформирано здравство, реформирано образование. Зборувам за држава која ќе нуди можности за сите граѓани, не зборувам за нешто кое ќе биде погрешно, објасни Мицкоски.

Тој додаде:
Можеме да зборуваме за ланскиот снег колку сакаме, но тоа нема да ни донесе 500 евра плата, тоа нема да ни донесе реформи во „Кацарска судството“. Тоа нема да ја придвижи Македонија напред. Тоа нема да обезбеди повисоки пензии, почист воздух.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.