Од Лерин преку Костур до Подградец: Ќе се гради пруга Грција-Албанија

Албанија и Грција ќе се поврзат со железничка линија  преку изградба на пруга од Лерин преку Костур до Подградец.

Проектот ќе биде финансиран од „Интерег-ИПА ЦБС Грција-Албанија“.

На средбата одржана во Костур посветена на железничкото поврзување меѓу двете земји, нагласено е дека проектот ќе биде дел од трансевропската мрежа.

Генералниот секретар на грчкото Министертво за транспорт, Танос Боурдас, го нагласил големото значење на проектот, не само за Албанија, Грција и Западен Балкан, туку и за цела Европа.

Новата железничка пруга Лерин-Костур-Подградец ќе биде дел од железницата Солун-Драч-Тирана-Црна Гора-Србија  која ќе ја зацврсти железничката поврзаност како на Западен Балкан така и со подрајето на средна Европа.

Албанија планира со железничка линија да се поврзи и со Косово и со Македонја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.