Фифи ќе пее на „Икс фактор“

Македонскиот пејач Филип Јовановски-Фифи, во јавноста најпознат по неговиот ексцентричен и феминизиран изглед и трансформациите со шминка, лакирани нокти, долга коса и женска облека, се најде меѓу првите пријавени на реалното музичко шоу „Икс фактор“.

Со фотографија од шоуто и зборовите „Икс Фактор, доаѓам!“, Фифи на „Фејсбук“ ја сподели информацијата дека ќе го видиме на сцената пред публиката и четиричленото жири.

Србија прва на Балканот ја откупи лиценцата за шоуто кое го создаде контроверзниот Сајмон Кауел, а емитувањето ќе почне оваа есен, и тоа во Србија, Црна Гора, Босна и Херцеговина и Македонија.

Првата аудиција за регионот е закажана за 20 август во Будва, а ќе има аудиции и во Белград, Нови Сад, Ниш, Бања Лука, Сараево и во Скопје.

Снимањето треба да почне на 2 септември.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.