Битолчанец загина во сообраќајка кај Меџитлија

Тешка сообраќајна несреќа во која едно лице е починато се случила околу 12.50 часот на патот А3 Битола – граничен премин „Меџитлија“ кај селото Жабени. До несреќата дошло при судир на два автомобили, „југо“ со битолски и „нисан“ со грчки регистарски таблички.

Според информациите што ги има полицијата, во несреќата починал возачот на „југото“, 49-годишниот битолчанец Томе К., додека едно женско и едно машко лице од грчкото возило поради повреди се пренесени во битолската болница.

Увидот е во тек, а сообраќајот на овој дел од патот во моментов е во прекин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.