Полицаец нападнат во Брисел, властите истражуваат дали е тероризам

Полицаец беше нападнат утрово околу пет часот со нож во Брисел, при што, според медиумите, напаѓачот извикувал „Алаху Акбар“.

Обвинителството отвори истрага за настанот, но засега не е јасно дали тој се третира како тероризам.

Нападот се случил во центарот на Брисел, близу главниот плоштад. Полицаецот е повреден во пределот на вратот, но е вон животна опасност.

Напаѓачот е застрелан со огнено оружје и се наоѓа во болница, при што, исто така, не е во животна опасност.

Како што јави дописничката на МИА од Брисл, тој им бил познат на службите поради трговија со оружје, но не и за тероризам.

Белгискиот министер за внатрешни работи Јан Јамбон, нападот го нарече “кукавички“.

– Полицијата повторно е жртва на кукавички напад, изјави Јамбон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.