Мајсторот ќе игра до 2021 година: Кире Лазаров го продолжи договорот со Нант

Европскиот вицешампион Нант денес објави дека ја продолжи соработката со македонскиот репрезентативец Кирил Лазаров. Клубот на официјалната веб страница информираше дека постигнат и потпишан е договорот со важност до 2021 година.

Десниот бек на Нант и најдобриот стрелец во историјата на Лигата на шампионите веќе втора сезона игра во Франција. Со Нант го освои Трофејот на шампионите (Суперкупот на Франција), играше во Лигата на шампионите за првпат во историјата на клубот и стигна до финалето, каде минимално загуби од Монпелје.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.