Зверев го реши Иснер, следен е Федерер

Александар Зверев стигна до својата втора победа на АТП-шампионатот во Лондон, откако попладнево триумфираше во мечот со Џон Иснер, совладувајќи го Американецот со 2-0 во сетови.

И двајцата тенисери сервираа одлично во првиот сет, кој беше решен во тајбрејк. На крајот пресуди една неизнудена грешка на Иснер, кој го упати топчето во аут, за водство на Зверев од 1-0.

Самодовербата кај младиот Германецот по овој освоен сет дополнително се зголеми, па Зверев успеа да направи и брејк во вториот сет, по што славеше со конечни 6-3, за сигурен пласман во полуфиналето од завршниот турнир. Таму Зверев ќе се сретне со Роџер Федерер, додека Новак Ѓоковиќ без оглед на исходот на вечерашниот меч со Чилиќ е првопласиран во групата, па за противник во полуфиналето ќе го има Андерсон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.