Раперот е скршен: Почина поранешната сопруга на Паф Деди

Манекенката и актерка Ким Портер (47), инаку поранешна девојка на Паф Деди и мајка на три негови деца, била пронајдена мртва во својот стан во Лос Анџелес. Портпаролката на раперот ја потврдила трагичната вест и замолила да се почитува приватноста на семејството во овие тешки мигови.

Извор за „ТМЗ“ тврдел дека Ким неколку дена била болна од симптоми слични на настинка, а се шпекулира и дека причината за смртта била или грип или воспаление на белите дробови. Официјална потврда за причината за смртта се уште нема.

Според „Пипл“, Деди и Портер и после разводот останале во контакт и имале многу позитивен однос, па нејзината смрт го оставила во шок.

Веста потполно го уништи. Тој и Ким беа блиски и заедно ги растеа своите деца – изјавил изворот за магазинот.

Раперот и Ким беа во врска од 1993 до 2007 година. Заедно ги одгледуваа синот на Ким од нејзината пртеходната врска, Квинси, и трите заеднички деца, синот Кристијан и блзиначките Далила и Џеси.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.