„Се сеќаваш ли на Доли Бел“ во Неделата на босанскохерцеговски филм во Кинотека

Со проекција на „Ничија земја“ од Данис Тановиќ, Кинотека на Македонија во петок ја почнува Неделата на босанскохерцеговски филм.

Освен филмот на Тановиќ, прикажани ќе бидат и првенецот на Емир Кустурица „Се сеќаваш ли на Доли Бел“ кој доби „Златен лав“ во Венеција за дебитантски филм, како и филмовите кои ги одбележаа шеесеттите, седумдесеттите и осумдесеттите години не само во босанскохерцеговската, туку и целата југословенска кинематографија.

Како што ифнромираат од Кинотека, „Битката на Неретва“ на Вељко Булаиќ кој бил номиниран за Оскар, „Жена со пејзаж“ на Ивица Матиќ и „Глув барут“ на Бахрудин Бато Ченгиќ се заслужено дел од овој избор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.