Загадениот воздух ги наполни клиниките со пациенти

Секојдневната загаденост на воздухот во градот Скопје го зголеми бројот на пациенти со респираторни проблеми.

Загаденоста во комбинација со вирусите ја наполниле детската болница „Козле“.

Воздухот во Скопје и денеска е загаден над дозволеното. Срцево болните никако не треба да излегуваат надвор во попладневните часови кога е зголемена загаденоста на воздухот. Кај овие пациенти штетните ПМ 10 честички можат да предизвикаат хипертензија а во најлош случај срцев и мозочен удар, предупредуваат лекарите.

Покрај граѓаните со кардиоваскуларни заболувања, нарушена здравствена состојба имаат и лицата со останати хронични состојби.Со самото тоа што нема доволно кислород тоа значи и намалена срцева функција, па доаѓа до тие исхемични напади, па пациентите се жалат на градна болка како и на главоболка.

Советите се и за сите граѓани, повеќе здрава храна, избегнување да излегуваат надвор и кога се во можност да одат на чист воздух.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.