Непостоечкиот пенал над Стерлинг ќе ја забрза процедурата: УЕФА порано воведува ВАР во ЛШ

УЕФА сериозно размислува да го забрза на воведувањето на ВАР-технологија на натпреварите од Лигата на шампионите, по огромниот кикс на судијата Виктор Касаи и подарениот пенал на Манчестер сити откако Рахим Стерлинг самиот се сопна, а тој сепак покажа на белата точка.

Извршниот Одбор на УЕФА донесе одлука ВАР да биде воведен во ЛШ од почетокот на сезоната 2019/2020, но сегашниот претседател Чеферин сериозно размислува технологијата да се воведе од почетокот на нокаут фазата, од февруари 2019 година.

Чеферин и соработниците сметаат дека целата работа може да се забрза меѓу другото и бидејќи од февруари во ЛШ ќе се играат најмногу по четири натпревари секоја седмица, а УЕФА би имала доволно квалитетни и максимално подготвени судии за да ги покрие овие средби.

Оваа одлука би можела да се донесе на почетокот на декември, за кога е закажана следната седница на Извршниот одбор на УЕФА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.