Народен театар Охрид ја подготвува премиерата „Метод” во режија на Ирена Стеријовска

Народен театар Охрид ја подготвува претставата „Метод” од Жорди Галсеран во режија Ирена Стеријовска чија премиера е закажана за 10 ноември, сабота.

„Метод“ е приказна што се случува сега, на илјадници места. Во неа се зборува за новиот свет полн со замки, трикови и големи очекувања. Свет во кој се е на дофат ако се плати вистинската цена. Тука човечките чувства се валута со која најлесно се тргува.

– Оваа претстава зборува за последносто интервју на финалните четри кандидати за висока позиција во голема интернационалана компанија. Во оваа приказна, преку интриганта сатира кон модерното сфаќање на капитализмот и општеството воопшто, се анализира природата на човекот. Концептот го поставува човекот во инфериорна позиција во однос на “големата слика” и го поставува прашањето колку голема е всушност “големата слика”? – вели режисерката Стеријовска.

Играат: Стрезо Стаматовски, Ивица Цонев, Елизабета Стефановска и Јаков Спасов. Идејно решение за сценографија Стефан Спировски, а костимографијата е на Ана Кркулеска Попоска. Изборот на музика го направи Ирена Стеријовска, а композитор на темата “Tango Mastergame” е Ермаљ Мехмети.

Премиерата е на малата сцена во Центарот за култура „Григор Прличев“, со почеток во 20.00 часот. Билетите за премиерата чинат 300 денари. Претпремиерата е во 20.00 часот. Билетите за претпремиерата чинат 200 денари, а собраните средства од предпремиерата ќе бидат донирани за помош на Сара Настеска на која и е потребна трансплантација на коскена срж.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.