Ѓорчев до Заев: Од капитални инвестиции имате отворено само една сендвичарница

Пратеникот од редовите на ВМРО-ДПМНЕ, Влатко Ѓорчев, од говорницата му рече на премиерот Зоран Заев дека од капитални инвестиции имаат отворено само една сендвичарница.

„Најлоши еконоски резултати, време е за разрешување. Имате најмногу министри, а убедливо најслаб економски тим во Владата и најлоши резултати во економијата, со само 27 проценти капитални инвестиции“, обвини Ѓорчев.

Тој рече дека во Македонија бројот на капитални инвестиции секогаш бил поголем, па и во периоди кога имало кризи.

„Замислете новинарите наместо 100 прилози да направат 27. Секогаш велите ќе се подобри, а бројките се влошуваат. Време е за разрешувања“, му порача Ѓорчев на премиерот Заев.

Ѓорчев праша зошто обвинителството и Министерството за внатрешни работи не преземаат ништо за полнењето кутии за време на референдумот. Пратеникот од говорницата упати прашање до Заев и што направиле за Албанците кои се разочарале од власта на СДСМ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.