Поранешен Титоград му подига споменик на Тито

Наскоро во главниот град на Црна Гора, Подгорица, ќе биде подигнат споменик на Јосип Броз Тито, одлучија денеска советниците на градската управа.

Градоначалникот и иницијатор на идејата, Иван Вуковиќ вели дека одликата за подигнување на поранешниот југословенски претседател не е поради југоносталгија, туку како доказ дека Црна Гора останува на страната на антифашизмот.

„Антифашизмот во Црна Гора е жив и земјата нема намера да тргне настрана од тој пат“ порача градоначалникот. Во образложението на одлуката се наведува и дека на тој начин трајно ќе се зачува споменот на истакнатата личност, револуционер, борец против фашизмот и еден од најголемите државници на 20 век.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.