Македонија домаќин на работната средба на УО и на Програмската комисија на „Традуки“

Од 29 до 31 октомври 2018 година Скопје и Република Македонија ќе бидат домаќини на работната средба на членовите на Управниот одбор и на Програмската комисија на Европската мрежа за литература и книги „Традуки“ соопшти Министерството за култура.

Во рамките на тридневната работна средба, утре (30 октомври) во 12 часот, во Музејот на македонската борба за државност и самостојност, ќе биде потпишан Договор за соработка меѓу земјите членки на оваа меѓународна организација. На потпишувањето на договорот ќе присуствува и министерот за култура Асаф Адеми.

„Традуки“ е европска мрежа за литература и книги во која членуваат Австрија, Албанија, Босна и Херцеговина, Бугарија, Германија, Косово, Лихтенштајн, Македонија, Романија, Словенија, Србија, Хрватска, Црна Гора и Швајцарија. Република Македонија од минатата година е полноправна членка на „Традуки“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.