Оваа ноќ доаѓа студениот бран

Под влијание на студен бран од север попладнево како и во текот на претстојната ноќ ќе дува засилен, повремено и локално силен ветер од северен и од северозападен правец кој локално особено во иточната половина од државава ќе достигнува брзина над 80 км/час, соопшти метеорологот Славчо Попоски.

Исто така облачноста ќе се зголеми и ќе има локални послаби врнежи од дожд додека на планините ќе има слаби врнежи од снег.

До утре веќе ќе настапи стабилизација на времето кај нас и разведрување.

Максималните дневни температури на воздухот денес ќе се искачуваат во интервалот од 17 до 24 степени додека навечер нагло ќе опаднат и до утре наутро ќе се спуштат во интервалот од -5 до 5 степени додека утре максималните дневни температури ќе се искачуваат во интервалот само од 8 до 17 степени.

Големо затоплување на времето и натрпосечно високи температури очекуваме од петок.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.