Владина делегација положи цвеќе на споменикот на Гоце Делчев

Делегација на Владата на Република Македонија предводена од министерот Зоран Шапуриќ положи венец со свежо цвеќе на споменикот на Гоце Делчев во Градскиот парк , по повод Денот на македонската револуционерна борба, 23 Октомври.

Во честитката до граѓаните Шапуриќ подвлече дека „Денот на македонската револуционерна борба нè обврзува заеднички да ги водиме нашите идни битки – за мир, за стабилност, за подобар живот во Македонија.

Истакнувајќи ја храброста на нашите револуционери, на кои денес им се поклонуваме и ги чествуваме, министерот подвлече дека македонскиот народ низ историјата секогаш бил определен кон западноевропските цивилизациски вредности и порача дека наша должност е да продолжиме по тој пат, патот кон НАТО и ЕУ.

Во чест на 23 Октомври – Денот на националната борба, денот кога во 1893 година во Солун беше основана Македонската револуционерна организација (МРО), на споменикот на Гоце Делчев, симболот на македонската револуционерна борба, положија цвеќе и делегации на Собранието на Република Македонија, на Претседателот на РМ, на АРМ, на Сојузот на борците на РМ, како и претставници на МАНУ, на УКИМ, на политичките партии и на дипломатскиот кор во земјата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.