Студен бран проследен со повремен дожд и засилен северен ветер со пониски температури се очекува во земјава во среда и четврток.
Утре претпладне времето ќе биде променливо облачно со повремен локален дожд, а во попладневните часови облачноста насекаде ќе се намали. Температурата ќе се движи од 4 до 21 степен.
Во среда од крајот на денот и преку ноќта преку Македонија ќе помине студен бран проследен со повремен дожд и засилен северен ветер, минималната температура ќе се движи од минус еден до осум, а дневната од 15 до 22 степени.
Во четврток се уште ќе дува засилен северен ветер, а дневната температура позначително ќе опадне и ќе се движи 10 до 18 степени. Утринската според најавите ќе биде од минус два до седум степени.
Од петок дневните температури ќе се во постепен пораст, но утринската ќе биде на некои места под нулата и ќе се движи од минус три до шест степени. Дневната во петок ќе достигне до 21 степен, а за викендот и до 24 степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
