Детали за тепачката во Штип: Роби тргнал со стаклено шише, пријателите му удирале со чаши

Во СВР Штип било пријавено дека вчера во 02:55 часот во дискотека Клик во Штип, Роберт Димитров, сопственикот на кабелскиот оператор Телекабел,  држејќи стаклено шише се доближил до масата на која бил А.П. (34) заедно со М.К. (26), С.С. (22) и Ѓ.Ш. (35) сите од Штип, при што Р.Д. со шишето го удрил А.П. неколку пати во пределот на главата, по што му се придружиле и С.З (28), Ф.З (23) и Ж.К. (38), кои продолжиле со чаши и шишиња да го удираат А.П. по главата и телото.

Потоа напаѓачите ја напуштиле дискотеката, а А.П. бил пренесен во Клиничката болница Штип каде е задржан на лекување.

За случајот е известен Основен јавен обвинител и се работи на негово целосно расчистување, информираат од МВР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.