Адвокатката на терористите од Диво Насеље: Заев покажа машкост, истото да го побара и за кумановските настани

Артене Исени, адвокат на дел од осудените за тероризам од кумановските настани во Диво Насеље кои се сличија на 9 и 10 мај 2015 година, реагираше во врска со обраќањето на премиерот Заев во Парламентот на Република Македонија, од каде што упати пораки и подаде рака за простување за собраниските настани од 27 април 2017 година.

Исени смета дека со овој апел Заев покажал машкост и цивилизираност и бара подадената рака за помирување и простување да ги опфати и осудените за тероризам од случајот “Диво Насење“.

-Македонскиот Парламент отвори дебата за ратификација на Преспанскиот договор. Во своето обраќање премиерот Заев, една од жртвите и главната цел на нападот од 27 април 2017 година, упати повик до пратениците за прошка и ја подаде раката на помирување. Тој помина преку неговите и раните на неговите другари, кои се уште крварат заради европската иднина на земјата.

Тоа е чин на машкост и цивилизам да се подаде раката на помирување, наместо одмазда.

Почетокот на крајот на едно лишо владеење, на една диктатура се настаните од 9 мај 2015 година во Диво Насеље во Куманово.

Простувањето бездруго ќе ги опфати овие трагични настани од 9 мај за осудените од случајот Куманово.

Господине премиер на Македонија, видете ги јасно каузалните поврзувања на овие два настани. Со политичка волја и земајќи ги во предвид безбедноста и просперитетот на општеството и државата, простување и раката помирување мора да се подаде не само на партиските опоненти, туку и за учесниците во Кумановските настани.

Со простувањето на настаните од 27 април Македонија покажува зрелост дека конечно со држава владеат демократи со европска ориентација и цивилизирани. Од проштевањето за 9 мај, Македонија покажува капацитет за живеење во добрососедски односи и меѓудржавна безбедност со сите соседни земји, особено со Косово.

Ова е во духот на Договорот Преспа – добрососедство и меѓусебно почитување, напиша Артене Исени на нејзиниот фејзбук профил.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.