Се „топи“ шансата за поддршка на измените во Уставот од 80 пратеници

Уште 60-тина пратеници се пријавени за дебата за предлогот за пристапување кон измена на Уставот на Република Македонија поднесен од Владата. Гласањето за дневниот ред, но и досегашните дебати и реплики, не покажуваат дека Заев успеал да обезбеди 80 пратенички гласови.

Само 71 пратеник, оние кои и пред почетокот на кампањата се изјаснија дека го подржуваат референдумот, гласаа за отворање на седницата. Иако се најавуваше дека е обезбеден и гласот на Ферид Мухиќ, независниот пратеник од владеачката коалиција, не гласаше за дневниот ред за собраниската седница за уставни измени во согласност со Договорот од Преспа.

За збор се пријавени и други пратеници од ВМРО-ДПМНЕ за кои се шпекулираше дека нема да го почитуваат партискиот став и ќе гласаат за измени во Уставот. Со ова се помали се шансите за обезбедување на двотретинско мнозинство за поддршка на амандманите на Уставот, иако од мнозинството убедуваат дека шансите се уште постојат. Се очекува ВМРО-ДПМНЕ да се позиционира по понудата на Заев за политичко помирување за настаните на 27 април. Во моментов партениците се на вообичаената едночасовна пауза.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.