Аналитичарот Арсовски на брифинг кај Димитров за нова „независна“ анализа на „позитивниот“ договор со Грција

„Независниот“ аналитичар Петар Арсовски денеска се брифирал за веројатно нова анализа на договорот со Грција. Брифингот се одвивал во кафеаната Скопски Мерак, а друштво на маса му прави актуелниот министер за надворешни работи Никола Димитров.

Имено во изминатиов месец и половина пред и после референдумот за промена на името на државата, со прифаќање на Договорот од Преспа, Арсовски беше еден од најжестоките поддржувачи на договорот и редовно се пењавеше по медиумите бранејќи го истиот. На многумина не им беше јасно зошто Арсовски играше all in кога се работи за промената на името, но сега е повеќе од очигледна врската која наводниот независен аналитичар ја има со министерот кој го потшиша договорот за промена на името – објави Инфомакс, кој ги објави и фотографиите од аналитичарот и министерот.

Инфомакс во текстот запраша – нејасно е само колкава сума на пари добил Арсовски за целата оваа операција и пропагандна машинерија за која работи, а со цел прифаќање на промена на македонското име, јазик, идентитет и историја.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.