Во тек аплицирањето за субвенции за трета фаза произведено и предадено млеко

Во тек е поднесувањето барањата за директни плаќања за произведено и предадено овчо, козјо и кравјо млеко од мај до септември 2018 година, соопшти денеска Агенцијата за финансиска поддршка во земјоделството и руралниот развој.

Рокот за аплицирање е до петти ноември 2018 година. Висината на поддршката изнесува четири денари за литар овчо и козјо млеко, како и 3,5 денари за кравјо млеко.

Барањата се поднесуваат електронски во подрачните единици на Министерството за земјоделство, каде што е регистрирано земјоделското стопанство.

На петти ноември 2018 година завршува и рокот за поднесување барања за директни плаќања за несилки внесени во капацитет за производство на јајца во период од први мај до 30 септември 2018 година. Висината на поддршката е 100 денари за купена и внесена неслика во одгледувалиште на кокошки несилки за производство на јајца. Барањата се поднесуваат во писарницата на Платежната агенција, лично или по пошта. Образецот за поднесување на барањата и потребната документација може да се подигнат во Агенцијата или да се преземат од www.ipardpa.gov.mk, во полето „Директни плаќања 2018“, „Обрасци“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.