Им се закануваат долги суспензии: Руските реперезентативци Кокорин и Мамаев нападнале политичар (видео)

Руските фудбалски репрезентативци, Павел Мамаев и Александар Кокорин во едно кафуле во Москва физички се пресметале со рускиот политичар Денис Пак и неговиот колега Сергеј Гаисин.

Претепаниот Денис Пак е висок службеник во руското министерство за индустрија и трговија и е еден од највлијателните луѓе во Москва. Се верува дека тој и неговиот пријател постојано им дофрлувале нешто на фудбалерите Кокорин и Мамаев барајќи од нив да бидат потивки.

Поради тоа Кокорин и Мамаев станале од своите места и одлучиле физички да се пресметаат со рускиот политичар. Кокорин дури и со стол го удрил Пак.

Ден по инцидентот, сопругата на Кокорин се извинила во име на нејзиниот сопруг и рекла дека двајцата фудбалери биле во алкохолизирана состојба и не биле свесни што прават.

По овој инцидент кој бил евидентиран и од безбедносните камери во објектот, скоро сигурно е дека фудбалерите ќе собијат суспензии од руската фудбалска федерација за нивното однесување.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.