„Пратеници, време е“: Заев повика на гласање за промена на името

Премиерот Зоран Заев денеска на неговиот официјален профил на „Фејсбук“ со пораката „Време е“ ги повика сите пратеници да гласаат за промена на името на Република Македонија.

– Сите пратеници имаат историска должност пред граѓаните да го обезбедат патот на Македонија кон стабилност и економски просперитет. Тоа е патот кон НАТО и ЕУ што води преку македонско-грчкиот договор – пишува Заев.

Владата вчера го достави до Собранието предлогот за пристапување кон измена на Уставот на Република Македонија со насока за негово изменување и дополнување што е обврска од Договорот од Преспа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.