Терористот Абердин Зимбери вработен во контрола на летање: 60.000 денари државна плата за поранешниот припадник на УЧК

Поранешниот припадник на УЧК Абедин Зимбери го вработиле во државната институција, во која се делат убедливо највисоки плати, објави Лидер.

На неговиот фејсбук профил, тој се пофали дека е вработен во контрола на летање (М-Нав).

Зимбери има завршено факултет за физичка култура и нема никаква квалификација за оваа институција, која се занимава со контрола на воздушниот простор во Република Македонија и е позната по екстремно високите плати.

Економски Лидер се обиде да стапи во контакт со М-Нав, од каде сакавме да побараме одговор на која позиција е вработен поранешниот терорист на УЧК во нивната институција, но од таму нема одговор.

Од контрола на летање не одговараат колкава му е платата на Зимбери, но од наши извори дознаваме дека се работи за плата од над 1000 евра (60.000 денари).

Инаку во оваа институција од скоро работи и екс генералот од војната во 2001 Стојанче Ангелов, па можеби поранешниот терорист и поранешниот бранител да делат иста канцеларија.

Тие учествуваа во заеднички ТВ дуели. Од дуелот право во контрола на летање!

извор: Лидер.мк

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.