Емили Ратајковски и Ејми Шумер меѓу уапсените на протестот против Кавано (Видео)

Манекенката Емили Ратајковски и комичарката Ејми Шумер беа меѓу 302-те лица кои вчера беа уапсени на демонстрациите против номинацијата на Брет Кавано за Врховниот суд на САД, што се одржаа пред американскиот Сенат во Вашингтон.

Стотици луѓе изразија незадоволство против номинацијата на Кавано, откако три жени го обвинија за сексуално злоставување, пренесува Си-ен-ен. Протестот се случи откако беше објавен извештајот на ФБИ во врска со случајот на Кавано, кој ги негираше обвинувањата.

Шумер потврди дека е уапсена, во изјава за Си-ен-ен, додека Ратајковски се огласи преку социјалните мрежи.

– Бев уапсена, протестирајќи ја номинацијата на Брет Кавано, човек кој е обвинет за сексуални напади од страна на повеќе жени. Мажите кои ги повредуваат жените веќе не можат да бидат на власт – напиша Ратајковски на Твитер.

Кавано, како и една од жените кои го обвинија, сведочеа пред комитет на Сенатот. Се очекува гласањето за номинацијата на Кавано да биде во следните неколку дена.

Today I was arrested protesting the Supreme Court nomination of Brett Kavanaugh, a man who has been accused by multiple women of sexual assault. Men who hurt women can no longer be placed in positions of power. pic.twitter.com/nnwq1O4qk3

— Emily Ratajkowski (@emrata) October 4, 2018

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.