Популарен клуб во Германија извести за можна зараза од смртоносна инфекција

Соопштението што го објави Здравствениот завод во Берлин, предизвика голема вознемиреност. Сите кои во саботата биле во познатиот берлински секс-клуб „Киткат“ беа повикани итно да се јават на лекар, бидејќи тој ден била организирана фетиш-журка на која присуствувал маж заболен од опасен бактериски менингитис.

Клубот понатаму наведува дека човекот е во многу лоша состојба, и дека не е познато со кои гости бил во „близок контакт”. Тоа е причината зошто Здравствениот завод издаде соопштение, со цел да извести што поголем број луѓе кои во саботата биле во клубот.

Секс-клубот наведува дека според првичните информации станува збор за млад човек, кој во саботата присуствувал на фетиш-журка „со пропишан кодекс на облекување: фетиш, лак и кожа, униформи, костуми, елегантна вечерна гардероба, сјај и гламур, екстравагантност од секој тип“.

Клубот „Киткат“ е познат по раскалашено однесување, а германскиот весник „Билд” вели дека засега не е познато дали меѓу гостите има заразени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.