Николоски: Ако Заев планира да оди на избори, треба да знае дека ќе го победиме

Александар Николоски потпретседател на ВМРО ДПМНЕ изјави дека ако Зоран Заев планира да се одржат избори, треба да знае дека тој ќе биде поразен.

Тој истакна дека ВМРО-ДПМНЕ го оценува референдумскиот процес како груб фалсификат со бројни нерегуларности евидентирани на самиот ден на гласање и повтори дека е поднесено барање за формирање на анкетна комисија во Собранието со цел разрешување на овие нерегуларности и лоцирање на одговорност.

Покрај ова, Николоски соопшти и дека доколку владеачкото мнозинство сака да оди на избори треба да е свесно дека истите ќе ги загуби а транзиционите политичари како Заев, Димитров и Шекеринска ќе бидат испратени во политичка пензија. Тој додаде и дека ВМРО-ДПМНЕ ги формирало изборните штабови внатре во партијата. За претседател на републичкиот изборен штаб е назначен Генералниот секретар Игор Јанушев а за претседател на градскиот изборен штаб потпретседателот Владо Мисајловски.

Предлозите на Претседателот на ВМРО-ДПМНЕ Господин Христијан Мицкоски прифатени од ИК се:

-Да се формира во Собранието Анкетна Комисија составена од пратеници. Иницијатива за формирање веќе е поднесена, комисијата која ќе има задача да ги истражува и разгледува сите неправилности и нерегуларности кои се случија на денот на референдумот а се далеку од демократските и европските принципи и веднаш потоа заклучоците да се процесираат до органите на прогонот и оние кои што правеа неправилности пред, на денот и по референдумот да бидат соодветно санкционирани според Изборниот и Кривичниот законик.

-Барање за разрешување на актуелниот Јавен обвинител кој е предложен од власта, а не ја извршува својата задача согласно ингеренциите и должностите односно замижува пред очигледниот криминал и нерегуларности пред, на денот и после референдумот. Избор на нов Јавен обвинител на предлог на опозицијата кој ќе треба да се позанимава со сите овие нерегуларности.

-Доколку Заев има намера да распише избори би сакал да кажам дека ќе го победиме. Покрај овие две барања, потребно е веднаш да се почитува договорот и законот за избори каде ќе се формира техничка влада според пржинскиот модел со мандат од 100 дена. Тоа значи оставки на Заев, Спасовски и Царовска и министри за внатрешни и за труд и социјала од ВМРО-ДПМНЕ 100 дена. Само тоа ќе е предуслов за колку толку фер избори.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.