Карди Би уапсена поради тепачка во стриптиз клуб (Фото)

Контроверзната раперка Карди Би е уапсена откако учествуваше во тепачка во стриптиз бар и е обвинета за физички напад на две келнерки.

Карди Би во стриптиз клубот се појави поради настапот на американскиот хип хоп бенд Мигос, а кога ги здогледала келнерките, сестрите Џејд и Беди Џи, им наредила на своите телохранители да ги нападнат со шишиња, столици и наргиле.

Причината за тоа биле гласините дека Џејд спиела со нејзиниот сопруг, раперот Офсет. И двете сестри се повредени, но одбиле медицинска помош.

“Продолжува да им се заканува, бидејќи смета дека нејзината слава ќе ѝ помогне да се извлече од тоа. Но, не е важно дали тоа го направи Карди Би или Карл Би, ако е направено казнено дело, правда мора да има”, рече за TMZ, Џо Такопина, адвокатот на сестрите.

Ова не е прв пат раперката физички да нападне некој. За време на забавата по повод модната недела во Њујорк на почетокот на септември Карди ја нападна својата колешка Ники Минаж со штикла.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.