Отворени гласачките места во Гевгелија, Богданци, Дојран и Валандово

Сите 81 гласачко место во општините Гевгелија, Богданци, Дојран и Валандово се отворени точно на време, во 7 часот утрово кога почна референдумското изјаснување на граѓаните кое според информациите од општинските изборни комисии се одвиваат во мирна атмосфера и без никакви проблеми.

На територијата на општина Гевгелија денеска на референдумот право на глас имаат вкупно 19.234 граѓани од кои на 37 избирачки места до 9 часот гласале 719 граѓани.

Во општина Богданци на 12 избирачки места право на изјаснување имаат 6.771 граѓанин од кои до 9 часот гласале 127, во општина Валандово до 9 часот се изјасниле 207 од вкупно запишаните 9.967 граѓани кои ќе гласаат на 24 избирачки места и во општина Дојран од вкупно запишаните 2.717 граѓани во избирачкиот список по референдумкото прашање до 9 часот се изјасниле 57 гласачи на осум избирачки места.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.