Внимавајте: Денеска пренасочување на сообраќајот во центарот на Скопје

Министерството за внатрешни работи информира дека денеска во периодот од 19 до 20 часот во Скопје ќе се одржи собир на граѓани и поради тоа во тој период ќе се изврши пренасочување на сообраќајот на ул. „11 октомври“ на потегот од крстосницата со ул. „Даме Груев“ и крстосницата со булевар „Кочо Рацин“ во двата правци.

Во денешното соопштение од МВР се подвлекува дека го почитуваат правото на слободно и јавно изразување на мислата, но истовремено апелираат граѓаните да се воздржат од преземање насилни активности за да се сочува јавниот ред и мир.

– МВР, согласно своите законски обврски и надлежности, ќе спречи секакви можни обиди за нарушување на јавниот ред и мир и сигурноста на граѓаните, стои во соопштението.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.