Емери не го пушти Лев на тренингот на Арсенал

На германскиот селектор, Јоаким Лев не му било дозволено да присуствува на тренингот на Арсенал по наредба на Унаи Емери. Германскиот стратег бил спречен да стигне до Месут Озил, со кого сакал да разговара по неговото решение да се откаже од националниот дрес.

Јоахим Лев и Оливер Бироф присуствуваа на доделувањето на наградите на ФИФА за најдобар играч во 2018 година. Церемонијата се одржа во Лондон и тренерот на Германија сакал да го искористи овој момент за да го види својот веќе поранешен играч во Бундес-тимот. Лев и Бироф се обиделе да договорат средба со Месут Озил, но од Арсенал ја отфрлиле можноста да ги пуштат на тренингот на „топџиите“.

Од Арсенал им соопштиле дека не се добредојдени во базата на тимот од Лондон, а инструкциите биле дадени директно од Унаи Емери.

– Сакавме да поразговараме со Месут, но очигледно треба да го прифатиме фактот дека тој нема желба да контактира со нас. На неколку пати му ѕвонев и му испраќав пораки, но тој се уште не ми одговорил, изјавил Бироф за „Билд“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.