Гори Моноспитовското блато

Пожар се појави денес во Моноспитовското блато. Таму гори трската во внатрешниот дел на Блатото, кое е последното мочуриште во Македонија.

Според очевидци, од овој природен резерват се издигнува висок пламен, а пожарникарски возила се упатени кон местото на пожарот.

Покрај овој, активен е пожарот во близина на селото Штука. Таму гори сува трева и екипи на ТППЕ Струмица се упатени таму на гаснење.

Гори и во близина на селото Дабиле, а претпладне струмичките пожарникари итервенираа на пожар на отворено во близина на Струмица.

Синоќа гаснеа шумски пожар во близина на хидроакумулацијата „Водоча“. Таму пожарот избувнал околу 17,30 часот при што биле зафатени сува трева и зимзелени дрвја.

Пожарот е целосно изгаснат синоќа околу 21 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.