Атлетико прифатил да му плати 30 милиони евра на Спортинг за Желсон Мартинс

Спортинг Лисабон и Атлетико Мадрид ја договориле сумата која шпанскиот клуб ќе ја исплати како обесштетување за Португалецот, Желсон Мартинс. Крилниот напаѓач беше еден од неколкуте играчи кои го напуштија Спортинг по завршувањето на минатата сезона, откако во финишот на првенството два пати имаа „блиска“ средба со хулиганите.

Покрај насилничкото однесување на навивачите кон играчите, Спортинг имаше и организациски проблеми, поради што беше сменет претседателот Бруно де Карваљо. Мартинс и уште неколку други фудбалери ја искористија оваа ситуација во клубот и еднострано ги раскинаа договорите со Спортинг, по што тој потпиша за Атлетико Мадрид.

Но клубот од Лисабон на „Јорганџиите“ им се закани со тужба доколку не платат 60 милиони евра, колку што била клаузулата во договорот на Мартинс. На крајот клубовите ја договориле сумата од 30 милиони евра што ќе ја добие Спортинг, за случајот со Желсон Мартинс да не заврши на суд.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.