Нашата визија за Македонија: Партиите не смеат да владеат со Македонија, туку Уставот, законите и вредностите

Нашата визија за Македонија е земја на интегрирано општество, со силна пазарна економија. Потребен е рапиден развој сега, не утре, не задутре или по една година. Потребни се веднаш големи чекори нанапред за да се надополни пропуштеното. Ни треба економија која ќе создава додадени вредности и која ќе вработува и овозможува иднина, за невработените, за стечајците, за младите.

Треба да се отфрли она изветоперување на семејните вредности кои сега ни го продаваат како демек напредно. Семејството останува столбот, и основната клетка на општеството. Образованието мора да е подобро. Слободата е најскапа тогаш кога ја нема, а слобода ли е овој башубозук и криминал кој како канцер го јадат општеството дел по дел. Потребна е нова слика за политиката во Македонија. Мораме да се промениме самите за да ја промениме сликата за Македонија. Партиите не смеат да владеат со Македонија, со Македонија мора да владее Уставот, законите и вредносните принципи. И никој не треба да биде над тоа. А одговорност мора да има.

– Ние сме за намалување на даноците. Фирмите да плаќаат половина од данокот, а втората половина ќе ја искористат за инвестиција и нови работни места.

– Ние сме за нов лик на здравството преку масовен пакет на реконструкции, изградба на нови болници и масовно вложување во медицинскиот кадар,

–  Да останат најдобрите 500 студенти кај нас, а државаата да им обезбеди директна понуда за вработување,

-Ние сме за 50 отсто поголеми плати за образовниот кадар за целиот мандат.

-Ние сме за 40 отсто поголеми пензии за целиот мандат и уште многу други решенија за реалните ваши проблеми….

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.