Се преврте брод со 400 патници на езерото Викторија, десетици загинати

Спасувачки екипи трагаат по неколку стотици патници од брод што потонал на езерото Викторија, во близина на танзанискиот град Мванза.

Досега се пронајдени 40-ина тела, а стотина патници биле спасени. На бродот имало над 400 патници, далеку над максималниот капацитет. Локалните рибари им се придружиле на спасувачките екипи во обид да спасат што е можно повеќемина од патниците.

Бродските несреќи се честа појава на езерото Викторија, каде сопствениците на бродовите не ги запазуваат стандардите за пловидба.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.