СЕХА: Вардар со рутинска победа против Стеауа

Екипата на Вардар вечерва оствари победа против Стеауа со 27-21 (15-11) во рамките на четвртото коло на СЕХА лигата.

Тимот на Роберто Парондо одигра колку што требаше за да победи во СЦ „Јане Сандански“, а во вториот дел тренерот им даде шанса на сите ракометари.

Најдобар во нашиот тим беше Кисељов со пет голови, а голманот Милосављев имаше 11 интервенции.

Кај тимот Стеауа, Вегар заврши со шест, додека Хумет се истакна со пет погодоци.

Вардар по овој меч остана на врвот на табелата и е единствен со четири победи од четири дуели.

Во следното коло „црвено-црните“ повторно играат на домашен терен, откако на 2 октомври во Скопје го пречекуваме српскиот шампион Војводина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.