Економската стратегија на Македонија 30 години во рацете на Британија

Тука сме во момент што е многу значаен за земјата и можам да кажам дека договорот што го потпишаа премиерите Алексис Ципрас и Зоран Заев е извонреден чекор за иднината на Македонија, порача британскиот министер за Европа и Америка Сер Алан Данкан.
– Се надевам дека луѓето ќе учествуваат на референдумот на крајот на месецов. Сметам дека тоа ќе биде значаен чекор напред за Македонија и верувам дека сите, а особено младите луѓе ќе покажат интерес за одлуката. Ова е одлука за вас и јас како министер на друга држава не можам да ви кажам што треба да правите, но можам да ве замолам да учествувате на реферндумот. Младите луѓе треба да сфатат дека се работи за нивната иднина и да разберат дека е чекор напред што ќе и овозможи на Македонија да се придружи на другите земји во НАТО и ЕУ, изјави Данкан по потпишувањето меморадум за изработка на енергетска стратегија на земјава за наредните 30 години со вицепремерот за економски прашања Кочо Анѓушев.

Нагласи дека се надева оти референдумот ќе биде успешен и ќе се донесе „чиста одлука“ што ќе ја одреди иднината на Македонија за декадите што доаѓаат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.