Полициска акција во полошко: Триесет дилери и наркозависници приведени изминатава недела

Триесет лица од повеќе места во Полошко биле приведени во текот на изминатата недела како осомничени дека се вклучени во извршување на кривичното дело „неовластено производство и пуштање во промет на наркотични дроги, психотропни супстанци и прекурсори“, информираше денеска портпаролот на СВР Тетово Марјан Јосифовски.

– Приведените лица на возраст од 15 до 46 години во најголем број поседувале или уживале марихуана, кокаин и хероин. Според местото на живеење тие се од Тетово, Гостивар, Пирок, Камењане, Чегране, Речане, Равен, Балиндол и други места од полошкиот регион, рече Јосифовски.

Според него, полицијата и во следниот период ќе ги продолжи планираните активности за откривање и законско санкционирање на лицата кои поседуваат, пуштаат во промет или уживаат наркотични средства на подрачјето. Освен поединци, најави тој, полицијата ќе контролира и објекти за кои има сознанија дека претставуваат чести собиралишта на наркокорисници.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.