Мојот живот е во Македонски Брод, вака започна успешната приказна на Кристи Рејчел Магно – Трајкоски од Филипини која го запозна својот сопруг работејки на брод и стана македонска снаа. Во првиот разговор за „Република“, Кристи ни откри дека веќе го владее македонскиот јазик, раскажа дека иако не ѝ било лесно да се научи, желбата да знае да го зборува била голема. Кристи раскажува и за тоа дека лесно се приспособила на животот овде, бидејќи добива голема почит од фамилијата во Македонија, но и од пријателите. Затоа денес, жената од Филипини со леснотија за нејзините сограѓани од Македонски брод подготви претстава со најмладите, децата, претставата „Убавицата и ѕверот“.
Претставата веќе е промовирана во два града во Македонски Брод на 27 јуни и во градот Кичево на 12 септември.
– Дојдов до идеја да работам на претстава со талентирани деца од Македонски Брод и да се претставиме пред публика. Од страна на децата имаше голем интерес и почнавме да работиме. Во „Убавицата и ѕверот“ учествуваат 34 деца, претставата е комбинација на англиска музика, танцување и драма. Истата трае еден час. Со поддршка од родителите, успеавме на 27 јуни да ја имаме и премиерата на нашето дело во нашиот град. Имавме голема посетеност, добивме и позитивни коментари од публиката и среќни лица кај учесниците, изјави за „Република“ Кристи.
Сепак желбата за промовирање на „Убавицата и ѕверот“ не завршува со преставувањето во матичниот град, како што објаснува Кристи, децата се тие кои бараат да глумат и пред друга публика, па екипата на неуморната Филипинка го продолжува својот пат во Кичево.
– Бидејки „Убавицата и ѕверот“ беше успешна во Македонски Брод кај децата постоеше интерес да се претстават и пред друга публика, па одлучивме тоа да го направиме во Кичево. На 12 септември на наше големо задоволство кичевската публика имаше можност да ужива во нашата претстава, а ние да бидеме горди на тоа што сме го понудиле.
Но Кристи и нејзината млада актерска екипа не застануваат тука, тие како што вели таа се надеваат дека ќе имаат можност „Убавицата и ѕверот“ да ја промовираат и во друг поголем град, мотив за и понатаму уште поуспешно да продолжат да работат.
Мојот живот е во Македонски Брод, мирен град со чист воздух и со добри луѓе
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Последни
-
Сензационално: Северина се разведува од Игор, поради познатата водителка!
-
Фатална сообраќајка кај Струмица: Со „Корса“ излетал од патот, загинал на лице место
-
Шон Пен во Истанбул: Ќе снима документарец за убиениот новинар Џамал Кашоги (видео)
-
Димитров: Зборовите „нација со комплекс“ се извадени од контекст