Телевизиска станица во Северна Каролина евакуирана при налетот на ураганот Флоренс (Видео)

Официјални лица предупредуваат дека обилните дождови од ураганот Флоренс ќе траат со денови и дека жителите на Северна Каролина можеби ќе се соочат со најлошите поплави од почетокот на новиот милениум.

Секретарот за сообраќај, Џим Трогдон, рече дека државата ja очекуваaт поплави во областите меѓу крајбрежните градови Вилмингтон и Шарлот.

Гувернерот Рој Купер изјави дека во Северна Каролина и натаму не се регистрирани смртни случаи од ураганот Флоренс, но додаде дека е загрижен за безбедноста на луѓето во понатамошното дивеење на бурата.

Метеоролозите тврдат дека средиштето на ураганот Флоренс се наоѓа веднаш при влезот на копното, во близина на местото Кејп Фиер во Северна Каролина.

Флоренс во овие моменти и натаму е ураган од прва категорија со брзина на ветерот од 130 километри на час, иако на некои места се забележани и посилни ветришта.

Надојдената вода поради силните бранови и врнежи од дожд принуди телевизиска станица од Северна Каролина да го евакуира персоналот, среде известувањата за ураганот.

Неколку часови пред ураганот Флоренс да пристигне на копното, новинарите на WCTI-TV во местото Њу Берн биле принудени да го напуштат студиото.

Портпаролката на оваа телевизија изјави дека патиштата околу зградата на телевизијата почнале да се поплавуваат, поради зголеменото ниво на реката во тој град, во близина на Атлантикот.

Power of #HurricanceFlorence is beyond words. Gusts now around 70mph in #Wilmington pic.twitter.com/V7lcjsOh4C

— Michael Howard (@MHoward_TV) September 14, 2018

Градот се наоѓа на околу 145 километри од плажата каде што ураганот Флоренс удрил на копното денес во 7:15 часот по локално време. Реките доаѓаат од северната страна на ураганот Флоренс, кој се движи спротивно од насоката на движењето на стрелките на часовникот и ги внесува брановите од плимата длабоко во копното.

Your regular reminder that meteorologists are heroes and deeply invested in their communities' safety and well being

— Brian L Kahn (@blkahn) September 13, 2018

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.