Мицкоски: Еден ден прекршоците кои ги прави ова парламентарно мнозинство ќе бидат разгледувани и ќе се побара одговорност

Претседателот на ВМРО-ДПМНЕ, Христијан Мицкоски во емисијата Отворено на ТВ 24 кажа дека прекршоците кои ги прави парламентарното мнозинство предводено од СДСМ еден ден ќе бидат разгледани и за тоа ќе биде побарана одговорност. Кршењето на Деловникот во Собранието повлекува одговорност за оние кои постапиле незаконито и спротивно на Деловникот.

– Законот за ратификација на договорот помеѓу Република Македонија и Грција од својата матична комисија, Комисијата за надворешни работи, надвор од сите процедури и закони беше префрлен во Комисијата за евроинтеграции. Тоа може да значи само едно, а тоа е повторно да им го ускрати правото на пратениците на ВМРО-ДПМНЕ и коалицијата „За подобра Македонија“ аргументирано да дебатираат околу законот и околу содржината на спогодбата, вели Мицкоски.

Вклучувањето на опозицијата требало да се вклучи многу порано пред да се прекрши Деловникот и да се заобиколи матичната комисија и да се заобиколи аргументирана парламентарна расправа.

– Сега имаме елементарно брутално кршење на законската процедура, доделување на европско знаменце и кратење на рокот без да ја слушнеме јавноста експертите да ги слушнеме они што мислат да потоа да се влезе во парламентарна процедура, истакна Мицкоски.

Според него, владејачкото мнозинство се однесува на девијантен начин што не доликува на Собрание во современа Европа. Пропагираат евопски вредноскти, а го ускратуваат правото на дебата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.