Сребрените од СП доживеаја дебакл: Хрватска го претрпе најтешкиот пораз во историјата

Хрватската фудбалска репрезентација не дебитираше на најдобар начин во Лигата на нациите, па синоќа во Елче избраниците на Далиќ беа декласирани од Шпанија со 6-0.

Светските вицешампиони на овој натпревар настапија во изменет состав од СП, а тоа се почувствува и на теренот. Уште по првите 45 минути беше јасно дека домаќините ќе остварат висока победа.

Саул Нигез го отвори резултатот во 24-та минута, а до крајот на првото полувреме во листата на стрелци се запишаа и Марко Асенсио и Калиниќ кој си постигна автогол.

На стартот од второто полувреме „Фуријата“ тргна одлично, Родриго зголеми на 4-0 во 49-та минута, а до 70-та година Шпанците веќе имаа убедливо водство од 6-0 благодарение на головите на фудбалерите на Реал Мадрид, Серхио Рамос и Иско.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.