Министерот за надворешни работи на Холандија утре во посета на Македонија

Министерот за надворешни работи на Кралството Холандија, Стеф Блок утре ќе престојува во посета на Македонија.

Тој ќе се сретне со шефот на македонската дипломатија Никола Димитров со кого ќе разговара за актуелните политички состојби во Македонија, подготвителните активности за референдумот, како и за реформската ЕУ и НАТО агенда.

По средбата планирани се изјави на двајцата министри.

– Ова е четврта билатерална средба на министрите за надворешни работи на Република Македонија и Кралството Холандија за период од 15 месеци што претставува потврда за зголемениот интензитет на политичкиот дијалог меѓу двете земји, наведуваат од МНР.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.