Вработена во обложувалница во Маџари му уплатувала тикети без да и даде пари, па се договориле да ја ограби

Секторот за внатрешни работи Скопје – Единицата за имотни деликти и малолетничка деликвенција – Одделение за имотни деликти и малолетничка деликвенција Гази Баба до надлежното Основно јавно обвинителство во Скопје, поднесе кривична пријава против лицата А.Ж. (30) од Скопје поради основано сомнение дека извршил кривично дело „тешка кражба“ на дрзок начин предвидено и казниво по член 236 став 3 од КЗ на РМ и Ј.Б. (22) од Скопје поради основано сомнение дека извршила кривично дело „помагање“ по член 24 од КЗ на РМ, а во врска со член 236 став 3 и едно кривично дело „лажно пријавување“ на кривично дело по член 366 в.в кривично дело „разбојништво“, предвидено и казниво по член 237 од КЗ на РМ при што се стекнале со противправна имотна корист од околу 196.000,00 денари.

Имено на 05 септември годинава околу 09.30 часот првопријавениот извршил кривично дело Тешка кражба на дрзок начин во спортската обложувалница лоцирана на улица Маџари во Скопје. Кривичното дело го извршил на тој начин што, по претходен договор со второпријавената, со договорена закана со огнено оружје ја присилил да му ги даде парите од сефот од обложувалницата. Истото го извршил со цел да го прикрие долгот на парични средства кои претходно ги направил пријавениот уплаќајки поголем број на тикети со високи суми, фиктивно без уплата на парични средства кои уплати ги извршила Ј.Б., вработена во обложувалницата.

Второпријавената кривичните дела ги извршила на тој начин што претходно со пријавениот А.Ж. се договорила истиот да дојде во обложувалницата вооружен со огнено оружје и да и ги побара паричните средства од касата, а се со цел истата да го прикрие минусното салдо на состојбата од касата на обложувалницата кое го направила на начин што се согласила да му изврши поголем број на фиктивни уплати на тикети на првопријавениот без уплата на парични средства.

Двете лица се приведени во Полициска станица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.