Здружението на граѓани „Преродба“ бара оставка од Владата

Здружение на граѓани „Преродба“ преку соопштение ги повикува сите граѓани кои сакаат да им се приклучат денеска пред Собранието на Република Македонија и заедно како што велат во нивното соопштение со протестното свечено обраќање да започнат со чествување на најголемиот национален и државен празник – Денот на независноста.

-Токму на Денот на независноста, ќе го пратиме отвореното барање до Власта со барање за нејзина оставка, поради тоа што оваа власт ја прави државата зависна од разни фактори, што и го руши легитимитетот, дигнитетот, суверенитетот и сите особености на независна држава и за да не причинува понатамошни штети на државата и за нејзината независност. И даваме рок од 48 часа да си поднесе оставка. Доколу не го стори тоа ќе постапиме по оперативниот план и стратегија со сите мирољубиви, дозволени, ненасилни и демократски средства, сè до поднесувањето на оставката, се наведува во соопштението на здружението на граѓани „Преродба“.

Исто така, како што се додава во нивното соопштение, тие бараат и мораториум на еднострано политиканско решавање на македонските прашања, од здружението потенцираат дека ќе има и свечено потпишување на декларација на Македонскиот народ за неговите црвени линии и Стратегија за зачувување на името на Република Македонија и на македонскиот идентитет, јазик, историја и култура.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.