Првото „Ел Класико“ сезонава закажано за наредниот месец

Првото „Ел Класико“ оваа сезона ќе се игра на 28 октомври и тоа во термин од 16.15 часот, соопшти Хавиер Тебас, претседателот на Ла Лига. Овој термин е најдобар за гледачите ширум светот, кои се навивачи на двата најголеми шпански екипи, Барселона и Реал Мадрид.

Двете екипи во истиот дневен термин од 16.15 часот, последен пат играа на трети декември 2016. година. Барселона беше домаќин, а натпреварот заврши нерешено 1-1.

Уште еден момент кој ќе биде интересен да се проследи е што ова ќе биде првото Ел Класико по 9 години во кое Реал М. нема да може да смета на Кристијано Роналдо кој летово ја промени средината и се пресели во Јувентус.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.