За првпат во историјата на Македонија со СДСМ јавниот долг надмина 5 милијарди евра

На ЕУ и е доста од презадолжени држави. За првпат во историјата на Република Македонија со СДСМ јавниот долг надмина 5 милијарди евра, додека државниот долг надмина 4 милијарди -нагласи лидерот на ВМРО-ДПМНЕ, Христијан Мицкоски на големиот сенароден марш организиран од неговата партија.

Тој додаде:

Во ЕУ можете да влезете и без вака штетен договор, но не можете да влезете со училишта без кров, болници без кревети, ниту пак со корумпирани институции.

Во Европската Унија немате земјоделци кои се измамени. 20 илјади тони слива остануваат без пласман, лозарите имаат проблеми….власта не ги гледа нивните маки.

Мицкоски истакна дека со овие луѓе на власт Европската Унија е далечна идеја, и додаде: не затоа што нашите пријатели од Европа не не сакаат, туку затоа што власт не знае како.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.