Жителите протестираа против сечата на дрвја за изградба на паркинг во Железара (видео)

Продолжува опустошувањето на Скопје, а граѓаните се гневни поради сечата на дрвја која се случува во главниот град во последниот период. Најнов случај со сеча на дрва има во општината Гази Баба.

Ваквата работа на градската и општинските власти во Скопје се причина за гнев кај граѓаните. Досега бевме сведоци на голема сеча на дрвја во општините Карпош и Чаир.

Според она што го говорат жителите на Железара, градоначалникот на Гази Баба има план да сече преку 20 дрвја, кои се стари повеќе од 40 години, а со цел да гради паркинг. Токму поради тоа граѓаните решија денеска да излезат на протест и да го изразат својот револт.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.